الألغاز والأحاجي القديمه -

بسم الله الرحمن الرحيم
السلام عليكم ورحمة الله وبركاااااااته
ياهلا وغلا بالجميع طبعا عرف عن تراثنا القديم الكثير من الأحداث الجميلة والقصص الكثيره
كما عرف عنه الحكم والأمثال ومن الأشياء التي أشتهر به تراثنا هو الأحاجي (الألغاز ) الشعبية
وهذي بعض منها واللي عنده زود لايبخل به
===============================================
شي مايشرب إلا مقطوع راسه ؟ ///////// الجواب ( الشرب الزراعي )
=(:
أربعة دنو وأربعة غنو والشويفع بينهم ؟ ///// ( دواب السانيه القديمة مع المحال والعامل الزراعي )(:
=
أخضر في السوق وأحمر في أمك ؟؟ //////// ( الحناء )(:
=
شي ما يمشي ألا لين تخفس عيونه ؟؟؟ /////// ( المقص ) (:
=
أسود وليل ماهو ليل له جناحان ماهو طير // أو إذا تليت خطامه تهللت عظامه ؟؟؟
//// ( بيت الشعر )(:
=
راسه في الأرض ورجليه في السماء ؟؟؟ ///// ( الدخان ) (:
=
جنود في محيط كل مافكو ربيط طق راسه ثم نار ؟؟؟ /////// ( الكبريت ) (:
=
إن طقيته طار وأن بعته طار وان شربته طار ؟؟؟ /////// ( الطار )(:
=
طقش على طقش كما الحنا كما النقش ؟؟؟ /////// ( الزولية = السجادة )(:
=
إلى جودت أذيناته هلت دميعاته ؟؟؟ /////// (المنخل = الغربال )(:
=
ياشن مخبا للنخل لاهوب كر ولا محش ؟؟؟ /////// ( المجرد )(:
=
بنيتنا خزه في القاع مرتزه الثوب جخجوخي والمدرعه قزه ؟؟؟ /////// ( البصله )(:
=
أنشدك عن شي طويل ومذروب ******* دب الليالي في يمينك تشده
ليطار الغراب أو حط في الوكر غرنوق ******* فاعرف تري الرجل قد وصل حده ؟؟؟؟؟
( اللحيه )(: ويقصد بالغراب والغرنوق الشيب = يعني بياض اللحيه بعد سوادها
===========================================
ومن الألغاز الشعرية .................
برع الشاعر عبد الله اللويحان بالألغاز الشعرية وهذي بعض منها
=
أنشدك ماأخوان من بطن وظهر لاشك عدوان ******* التالي أخطا على الأول وشاله من مكانه
يضحك مع الناس ماحسب ولا ثمن ولاكان ******* يشيل أخوه القديم ولا سكن وزنه وعانه ؟؟؟؟؟
( الأسنان اللبنية )(:
============== وهذا لغز ثاني لنفس الشاعر
أنا تشوقت من زرع خضر ماهو بـ القاع ******* لاهو بـ يحصد ولا يثمر ولا تمحى رسومه
في صفح صافي نظيف زارعه ماهو بـ بياع ******* إلا على طالب الجملة يبيع اللي يسومه ؟؟؟؟؟
( الوشم الأخضر ) = يحطونه الحريم أول على خدودهن(:
============================================
ألغاز أبن جعيثين
أنشدك عن شي للعرب منه مصلوح ******* يعرف وفي كل الدير له نمونه
له مدة تلقاه جسم بلا روح ******* ماهو بـ ياكل والعرب ياكلونه
وله هجرة يحفظ عن البرد والفوح ******* لابد يحبس عند عذرا تصونه
ثم انها تدخل به الروح ويروح ******* يمشي على أقدامه وتفتح عيونه
مع ذا ونفعه للمخاليق ممدوح ******* واللي يبونه بالثمن يشترونه ؟؟؟؟؟
( بيض الدجاج )(:
========================= لغز ثاني لنفس الشاعر
لقيت ميت ينقله خمس أناثي ******* كلف ثلاث وسالم منه ثنتين
إلي شكى كثر الظما واستغاثي ******* صارن همام و وردنه على العين
يمشن به معهن في حضور المراثي ******* لو كان مايدري عن الشين والزين ؟؟؟؟؟
( القلم )(:
================================================
ألغاز الشاعر الكويتي خالد الوزان
وش هنوف دوم شايلة اسمرا ******* الهنوف تروف في حق الجنين
والولد رواغ كنه يذعرا ******* وأمه تهفهف مروفة للضنين
إن غشاه النوم تلحفه بـ ذرا ******* وان غدا مضنون هالعذرا تشين ؟؟؟؟؟
( العين و إنسانها )(:
============================================
وأخيرا هذا لغز شعري بس موهب قديم للشاعر عبد المحسن البابطين
أنشدك عن أنثى لها ثلاث عيون ******* تامر وتنهي مشره بعيونها
يطيعها العقال واللي يعرفون ******* واللي عصى لازم يشوف حزونها ؟؟؟؟؟؟
( إشارة المرور )(:
=====================================(

خخخخخخخخخخخخ
من صدق معفنه
هههههههه
مبطيه

Admin كتب:: خخخخخخخخخخخخ
من صدق معفنه
هههههههه
مبطيه

صادق والله بسـ العلم مطلوب ههههههه
تشكـــــــــر ع المرور والرد الأحلــــى من رائع

عضوفضي تاريخ التسجيل : 09/04/2010

هع هع هع شرب عليها الزمن
هع هعتين
تقبلي مروري

يا قدمها قدماه هههه

نهى كتب:: هع هع هع شرب عليها الزمن
هع هعتين
تقبلي مروري

شكرا ع المرور الحلــــــــــــــــــــو

مفحطة بناقة كتب:: يا قدمها قدماه هههه

والله انكـ صـــــــــــــــــــادقه بسـ ماعليــــــــــــــــه العلـم مطلــوب هههههههههههه

تسلم الايادي

Admin تاريخ التسجيل : 21/07/2010 الموقع : zoozoo.own0.com

قديمه بس جنان
تقبلي مروري

راما كتب:: قديمه بس جنان
تقبلي مروري

شكرا على المرور

........................

شكرا
اختي
تقبلي مروري
جوان

جوان كتب:: شكرا
اختي
تقبلي مروري
جوان

شكرا على مروركـ جواااااااان

.......................