امل ان تحوز على رضاكم
البارحه ماذقت حلو المنامي
باسباب من تزهو ثيابه بزريا
خلّن يخاطبني بحلو الكلامي
حبّه سلب عقلي وبرا الحال بريا
ابو نهيدن بالصدر دوب زامي
والخد نوره مثل نور القمريا
والعين عين اللي على الجول حامي
حرّن يهيل العقل لامن شهريا
اخذت انا ويّاه عامن وعامي
نقضي ليالينا بمزح وسهريا
في مامضى نشبه عيال العمامي
واليوم قلب الزين مثل الحجريا
القلب من حب الغنادير شامي
ولاعاد يطريله من البيض طريا
من عقب حب اللي بها القلب هامي
احس في حلقي تقل طعم شريا
ارجي عسى المجمول يسمع كلامي
ويرجع مثل ماكان نجني ثمريا
هاذي ترا ياناس قصّة غرامي
ابديت انا مخفيت وهذا الخبريا
موضوع: هاذي ترا ياناس قصّة غرامي*** ابديت انا مخفيت وهذا الخبريا 
الثلاثاء يوليو 20, 2010 8:45 pm
